Булачак беренче сыйныф укучыларының әти-әниләре онлайн-марафонда сорауларын бирә алалар

Билгеле булганча, беренче сыйныфларга туплау елның беренче айларында ук башлана. Шуңа күрә Telegram мессенджерында булачак беренче сыйныф укучыларының әти-әниләре өчен "Тиздән беренче сыйныфка" онлайн-марафоны узачак. Ул 2 февральдә старт ала һәм 3 февральдә дәвам итәчәк. Марафонда катнашу бушлай. Бу хакта ТР Мәгариф һәм фән министрлыгының матбугат хезмәте хәбәр итте.
Булачак укучыларның әти-әниләре үзләрен кызыксындырган сорауны бирә ала. Мәсәлән, бала укуга әзерме, баланы мәктәпкә ничә яшьтә бирергә һәм башкалар.
Сорауларга педагогика фәннәре кандидаты, Россия мәгариф академиясе тәрбия институтының әйдәп баручы фәнни хезмәткәре Анна Бояринцева җавап бирәчәк.
Онлайн-марафон вебинар формасында үткәрелә. Вебинарга ата-аналар өчен файдалы материаллар беркетеләчәк.

Сылтама буенча теркәлгәннән соң, ата-аналарга "Без балабызны мәктәпкә бирергә әзерме?» тесты сорауларына җавап бирергә кирәк.