Төп приз кемгә булыр?

автор, 3 апрель 2013 - 04:34

600

Үткән шимбәдә район мәгариф бүлеге вәкилләре югары күрсәткечләргә ирештеләр: өстәл теннисы һәм бадминтон буенча җиңүгә ирештеләр, төп призны алу өчен көрәш тагын да киеренке төс алды.

Ярышларның беренче төрендә Валентина Вихлянская, Владимир Никитин һәм Александр Ермилинга тиңнәр булмады. МЧС - үзәк хастаханә вәкилләре - икенче, шәһәр башкарма комитеты хезмәткәрләре өченче урынны алдылар.

Бадминтонда Гөлназ Ходжиева, Андрей Иванов һәм Николай Стрелов өлгерлек күрсәттеләр. Икенче урында - шәһәр башкарма комитеты командасы, өченче - тармак технологияләре техникумы спортчылары.

Ярышларның унике төреннән соң гомуми команда зачетында МЧС һәм үзәк хастаханәнең берләштерелгән командасы алда бара - аның 33 очкосы бар, икенче урында - 36 очко белән муниципаль төзүчеләр, өченче урында - мәгариф хезмәткәрләре командасы - 39 очко.

Хәзер волейбол, футзал һәм җиңел атлетика буенча гына ярышлар үткәрәсе бар. Финишка якынлашкан саен ярышлар киеренке төс ала. Яңа система волейбол һәм футзал буенча ярышларны тагын да кызыклырак итәчәк. Матчлар бер көн генә түгел, ә кичләрен атна буе барачак, ә бу инде командаларның урынын тагын да төгәлрәк билгеләргә ярдәм итәр. Җиңел атлетика ярышлары апрель ахырында үтәчәк.