Дзюдочылар да сынатмады

Мәртәбәле бәйгедә Татарстан, Самара һәм Оренбург өлкәләреннән килгән 300ләп спортчы катнашты. Безнең командадан 55 килограммга кадәрге спортчылар арасында Кирилл Борюшкин өченче урынны алды. Ярышларда әле яңа гына катнаша башлаган Богдан Кирюшинны да билгеләп үтәргә кирәк. Биш очрашуның өчесен (ул өченче урын өчен көрәште, әмма җиңелеп бишенче урынга чыкты) чиста җиңү белән тәмамлады. 26 һәм 30 килограммлы үлчәү авырлыгында үз яшьтәшләре арасында Данис Зиннәтуллин белән Анатолий Елистратов та бишенче урынга лаек булдылар. Алар барысы да шәһәрдәге икенче урта мәктәптә укыйлар.