Юбилее белән котладылар

Екатериновкада яшәүче Әсмабикә Сафина үзенең туксан яшьлек юбилеен билгеләп үтте.

Гомер бәйрәме белән аны район башлыгы Камил Нугаев, ветеран оешмасы рәисе Юрий Зуйков, социаль хезмәт вәкилләре котлады. Алар авыр тормыш юлы үткән Әсмабикә Гәрәй кызына открыткалар, чәчәкләр һәм бүләкләр тапшырдылар. Ватан иминлеге өчен көчен һәм тырышлыгын кызганмыйча гомере буе алны-ялны белми эшләгән Әсмабикә әбинең бу көнне искә алып сөйләр хатирәләре бик күп булды. Аның үткән гомер юлы һәркемгә үрнәк булырлык. Ветеран хөрмәтенә җылы сүзләр яңгырады.