Уттан саклап калалар

Шәһәрдә узган атнада ике янгын чыгу очрагы теркәлгән.

Торак йортларның берсендә электр чыбыгында кыска ялганыш килеп чыгу нәтиҗәсендә агач веранда стенасына ут каба. Төтен күтәрелүен күреп алган янгын часте хезмәткәрләре шунда ук фаҗига урынына машина җибәрәләр. Янгынны санаулы минутлар эчендә сүндерәләр.

Ә менә ут белән саксыз эш итү сәбәпле, шәһәрдәге эшмәкәрнең милке саналган вагон тулысынча янып көлгә әйләнгән. Янгын сүндерүчеләрнең тырышлыгы белән күршедәге склад биналарын уттан саклап калалар.