Дзюдочыларның уңышы

Безнең дзюдочы Никита Борюшкин РФ Тикшерү комитеты рәисе Александр Бастрыкин кубогына үткәрелгән турнирдан кыйммәтле бүләкләр һәм иң матур ыргылыш ясаган өчен кубок белән кайтты.

Ярышлар Казанның гимнастика үзәгендә үтте, анда Идел буе федераль округы, Санкт-Петербург һәм Мәскәү өлкәсеннән 15 команда катнашты. Составында Никита булган Татарстан командасы Ногинск һәм Самарадан килгән көндәшләрен җиңеп, ышанычлы җиңү яулады.

Спортчыларга шулай ук Байконур космодромына туристлык юллама бүләк иттеләр.