Вакытында эшләп тапшыралар

Ул махсус республика программасын тормышка ашыру кысаларында үткәрелә. Бу максаттан республика бюджетыннан миллион ярым сум акча бүлеп бирелде.

Төзүчеләрнең тырышлыгы белән бина күзгә күренеп яңара. Иске тәрәзәләр заманча пластикка алыштырылачак, шулай ук җылыту, канализация, су үткәрү системасы, электр чыбыклары да яңартылачак. Бүлмәләрне эчтән гипсокартон белән тышлау күздә тотыла, шулай ук яңа эчке һәм тышкы ишекләр кую, бетон белән ныгытып идәнгә ремонт ясау һәм кайбер башка эшләр дә башкарылырга тиеш. Төзүчеләр шулай ук бинага керә торган ишек тирәләрен яңартырга җыеналар. Эшчеләр арасында аеруча слесарь-монтажчылар Владимир Функ һәм Алексей Чекалин, мастер Надыйр Гомәров, бизәү эшләре белән шөгыльләнүче Петр Мартьянов һәм бетончы Сергей Колчинны билгеләп үтәргә була. Алар барысы да төзү эшләрендә шактый тәҗрибә туплаган һәм ремонтны планда каралганча апрель ахырына төгәлләү өчен бар тырышлыкларын куялар.

Коллектив эшли торган икенче объект инде тулысынча әзер дияргә була. Бу "Агрохимсервис" янында урнашкан промышленность мәйданчыгы. Ул кече һәм урта эшмәкәрләргә арендага тапшыру өчен махсус төзелгән офис һәм производство биналары комплексыннан гыйбарәт.