Алар безнең хәтердә

автор, 9 декабрь 2011 - 07:22

738

Бүген илебездә Ватан Батырлары көне билгеләп үтелә.

Бу истәлекле дата 2007 елда, "Россиянең хәрби даны һәм истәлекле көннәре турында" Федераль законга үзгәрешләр керткәннән соң, кабул ителде. Бу көнне Советлар Союзы Геройларын, Россия Федерациясе Геройларын, Изге Георгий Победоносец һәм Дан орденнары кавалерларын хөрмәтлиләр. Һәм, әлбәттә, иң авыр елларда Ватаныбыз азатлыгы өчен сугышкан батырлар мәңге безнең күңелләрдә.

Исегезгә төшерәбез, районның биш кешесенә - Александр Беркутов, Павел Гурьянов, Пётр Лихачёв, Степан Спирьков, Григорий Машанинга Бөек Ватан сугышы елларында Советлар Союзы Герое исеме бирелде. Павел Карпов, Николай Зотов һәм Алексей Башкиров фронттан тулы Дан орденнары кавалерлары булып кайттылар.

Шул ук көнне Герой-якташларыбыз бюстларына һәм сугышта һәлак булган якташларыбыз истәлегенә куелган һәйкәлләргә веноклар салынды. Мәктәпләрдә, китапханәләрдә, башка оешмаларда Геройларның тормышына һәм батырлыгына багышланган кичәләр булды. Алар турындагы истәлекләр кадерләп сакланырга тиеш. Бу безнең изге бурыч.