Яшь атлетлар сынатмады

admin, 14 декабрь 2018 - 11:00

684

Яшел Үзән шәһәрендә Олимпия уеннары чемпионы Александр Курынов истәлегенә уздырылган Бөтенроссия ярышларында Никольск авылы тренеры Анатолий Юрков шәкертләре уңышлы чыгыш ясады.

“Витязь” яшүсмерләр-яшьләр клубында шөгыльләнә торган 2004 елда туган һәм аннан яшьрәкләр арасында Данил Сыряпов 38 килограммга кадәр авырлыкта икенче урынны алды. Ул 64 килограммлы штанганы күтәреп, икенче яшүсмерләр разряды нормативын үтәде. 50 килограммнан авыррак булган Максим Силютин ике төр нәтиҗәсе буенча 106 килограмм җыя алды һәм беренче яшүсмерләр разрядын үтәде. Үз авырлыгы 56 килограмм булган укучы 59 килолы штанганы буйсындыра алды.
Яшь штангачылар республика ярышларында катнашу хокукына ия булды.