Яңа тормыш
  • Рус Тат
  • Өлгерлек күрсәттеләр

    Безнең футболчылар "Б" дивизионы республика беренчелегендә ышанычлы чыгыш ясадылар һәм икенче урынга чыктылар, шулай итеп бу ярышларның финалына чыгу мөмкинлеге алдылар.

    Ярышлар Балык Бистәсендә, ясалма газонлы бик яхшы кырда үтте. Безнең команда составында барысы да яшь уенчылар иде. Денис Аникин, Андрей Пашагин, Евгений Земсков, Эдуард Малыгин әле күптән түгел генә мәктәп ярышларында катнашып килделәр. Үзләреннән аз гына өлкән булган Максим Баранов, Илмир Мусин, Дмитрий Захаров, Богдан Стрелков, Максим Корнилов, Дмитрий Кузнецовлар белән бергә алар куркып калмадылар һәм үзләрен яхшы яктан күрсәттеләр.
    Безнең коллективка җитәкчелек иткән район футбол ветераны Валерий Бердников командага көч биреп торды.
    Беренче уенда алар турнир хуҗалары белән ярыштылар. Ике туп рәттән керттереп, безнекеләр 1:2 исәбе (голны Максим Баранов кертте) белән җиңелделәр. Аннары бирешмәскә тырыштылар: әлкилеләрне 2:0 белән ышанычлы җиңделәр (Валерий Бердников, Максим Баранов). Лаештан килгән көндәшләре белән өченче очрашуда алар үзләрен яхшы яктан күрсәтеп, бер туп кертеп өлгерсәләр дә (голны тагын Максим Баранов кертте), соңрак уенны барыбер 1:1 исәбе белән тәмамладылар.
    Нәтиҗәдә беренче уеннардан соң безнең футболчылар дүрт очко җыеп, хәзер ышанычлы икенче урынны алып торалар. Ярышларның финал өлешенә безнең төркемнән ике команда чыгуын, ә соңгы уеннарның безнең стадионда 21-22 июльләрдә үтәсен исәпкә алып, аларның "Б" дивизионы республика беренчелегенең киләсе этабына үтәргә мөмкинлекләре зур.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: