Икенче урынны алдылар

Турнирда, хуҗалардан кала, Спас, Әлмәт, Азнакай, Зәй, Түбән Кама һәм Тукай районнары командалары катнашты. Ике периодка билгеләнгән уеннарның һәркайсы 10ар минут дәвам итте.
Безнең спортчылар башта Алексеевск кызлары белән уйнадылар. Команда кызларының чемпионатка ныклап әзерләнүен билгеләп үтәргә кирәк. Баштарак уен тигез барды кебек, әмма бераздан мәйдан хуҗалары инициативаны үз кулларына алдылар һәм җиңүгә ирештеләр.  Дөрес, мондый нәтиҗә безнең спортчыларны бер дә канәгатьләндермәде. Башка очрашуларда алар көндәшләреннән күпкә яхшырак уйнады. Һәм алар Әлмәт, Түбән Кама, Зәй, Азнакай, Тукай районнарыннан килгән командаларны бирелергә мәҗбүр итте. Уеннар киеренке барды, шулай да ирешелгән нәтиҗәгә шатланмый мөмкин түгел. Республика күләмендә икенче урынга чыгу безнең баскетболчы кызларның күңеленә ышаныч өстәде.
Ярышларда катнашкан Светлана һәм Ксения Молодовалар, Дарья Устина, Татьяна Столярова, Регина Гыйниятуллина, Олеся Кузьмина, Анна Прохорова, Анастасия Пенькова, Анна Спирина һәм Валерия Кирюшина җиңүгә үзләреннән зур өлеш керттеләр. Команданы балалар сәламәтләндерү-белем бирү үзәге директоры Юрий Кузнецов әзерләде.