Бураково мәктәбе укучылары «АгроНТИ» конкурсында катнаштылар

Бураково мәктәбенең сигезенче класс укучылары Арина Голубева белән Дарья Полякова «АгроНТИ» конкурсының республика этабында катнаштылар. Кызлар эшләрен «Добропчёл» һәм «Агрокосмос» номинацияләрендә тәкъдим иттеләр.

Конкурс нәтиҗәләре соңрак билгеле булачак.

«Конкурста без авыл хуҗалыгы үсешенең яңа юнәлешләре белән таныштык. Эшләр тәкъдим итүдән тыш, күп яңа нәрсә белдек, яңа дуслар таптык. Конкурста алынган тәҗрибә укуда кирәк булыр, дип уйлыйбыз», – ди укучылар.