Өйрәнүләрнең файдасы булмый калмас

Җыенның тантаналы өлеше шәһәрнең үзәк мәйданында булды. Яшүсмерләргә район башлыгы Камил Нугаев, Татарстан Республикасы хәрби комиссариатының Спас район бүлеге җитәкчесе Илһам Мидхәтов, җәмәгатьчелек вәкилләре үзләренең изге теләкләрен җиткерделәр. Бөек Ватан сугышы елларында һәлак булучылар хөрмәтенә куелган һәйкәлгә чәчәкләр куеп, мәйданнан "Прощание славянки" маршына кушылып сафларга тезелеп, Ватанны сакларга әзерләнүчеләр лагерьга юл тотты. Җыеннар вакытында тугызынчы класста һәм тармак технологияләре техникумында укучы 70 тән артык яшүсмер "Тормыш иминлеге нигезләре" курсы буенча белемнәрен ныгыттылар.