Якшәмбе – Йөгерү көне

Традицион "Милләтләр кроссы" бу ялда спорт белән даими шөгыльләнүчеләрне генә түгел, актив ял итәргә яратучыларны да бердәм гаилә итеп җыячак.

Бу спорт бәйрәме Бөтенроссия йөгерү көне кысаларында үткәрелә. Анда катнашырга теләүчеләр "Олимп" спорт комплексы янында 9 сәгать 30 минутта җыелырга тиеш, ә ярышлар сәгать11дә башланып китәчәк. Йөгерешләрдә төрле яшьтәге кешеләр - укучылар, студентлар, учреждение һәм предприятие коллективы әгъзалары, пенсионерлар һәм башкалар катнаша ала. Җиңүчеләргә бүләкләр һәм дипломнар тапшырылачак.

Шулай да мондый ярышларга халык бүләк алу өчен түгел, ә үз-үзен сынап карау, дуслары белән очрашу өчен килә, алар озак вакытка җитәрлек күңел күтәренкелеге алалар.