Укучыларга – әфганчылар турында

admin, 22 февраль 2019 - 11:22

611

Шәһәрдәге беренче һәм икенче урта мәктәпнең сигезенче класс укучылары Дарья Марюхова белән Анатолий Фролов балалар иҗатының “30 лет подвигу, 30 лет памяти” республика конкурсында катнашып, дипломнарга лаек булдылар.

Конкурсны балалар китапханәсе оештырды. Дарья Марюхова үзенең “Кеше өчен иң кадерле нәрсә – гомер” иншасында Әфганстанда һәлак булган якташыбыз Александр Корчагинның батырлыгын сурәтләгән, шулай ук Александр Амосовның ничек хезмәт итүе турында язган. Анатолий Фролов “Әфганстан – йөрәгем ярасы” дигән эшендә бу сугышта һәлак булган Марат Мингалиев һәм “кайнар” нокталардагы бәрелешләрдә катнашкан Ренат Шәрипов турында сөйләгән.
Дипломнарны мәктәптә узган батырлык дәресендә тапшырдылар. Һәлак булганнарны бер минут тынлык белән искә алдылар.