Теләкләр кабул булсын!

Районның имам-мөхтәсибе Фәрхәт хәзрәт Минсәгыйров мөселманнар өчен иң кадерле булган Рамазан аеның, ифтар мәҗлесләренең асылы һәм төп мәгънәсе турында үтемле вәгазьләр сөйләде, ураза тотучы милләттәшләребезгә сабырлык һәм түземлек теләде.
Мәҗлестә катнашучыларга шулай ук район башлыгы Камил Нугаев һәм ел саен районыбыз авылларында ифтар ашлары уздырып килүче Фоат Вәлиев ураза тотучыларга иң изге теләкләрен җиткерделәр, саулык-сәламәтлек, башлаган һәр эштә уңышларга ирешүләрен теләделәр, мохтаҗларга күбрәк ярдәм итү җаен табарга чакырдылар.
– Барлык милләттәшләребезне Рамазан ае белән тәбрик итәм, сезгә, гаиләләрегезгә, якыннарыгыз һәм туганнарыгызга бәхетле озын гомер телим, – диде Фоат Вәли улы. – Бу изге ай һәрбарчагызның күңеленә җиңеллек китерсен, тоткан уразаларыгызның савабын күрегез!