Татарстан ЮХИДИ бүлекләренең Яңа ел көннәрендә эш графигы

Татарстан ЮХИДИ бүлеге хәбәр итүенчә, Дәүләт автоинспекциясенең барлык бүлекләре 1 һәм 2 гыйнварда ял итте.

3 гыйнвардан башлап, барлык бүлекләр гадәти режимда эшли башлый. Шулай итеп, машина йөртүче таныклыкларына имтиханнар тапшыру, таныклыклар алу, транспорт чараларын теркәү алдан кабул ителгән график нигезендә башкарылачак.

ТР ЮХИДИ бүлеге хәбәре буенча, чиратлар һәм тоткарлыклар булдырмау өчен, хезмәтне алу өчен Дәүләт хезмәтләре порталында алдан язылып куярга кирәк. Бу очракта дәүләт пошлинасы 30 процентка очсызракка төшәчәк.

Алдан хәбәр ителгәнчә, Россия Президенты Владимир Путин боерыгы нигезендә, Дәүләт хезмәтләре порталында ташламалар срогы 2022 ел ахырына кадәр озайтылды.