Сак булыгыз: юлда балалар!

Икенче урта мәктәп тирәсендә үткән машиналарны туктатып, инспекторлар машина йөртүчеләр белән әңгәмә үткәрделәр. Төрле хәлләргә тикшерү ясалды. Мәсәлән, юл уртасында уйнаган балаларны күргәч нишләргә, аларның юлда саксыз кылануын, ярамаган урында юл аша чыгуын күргәч үзеңне ничек тотарга һәм башка сорауларга җавап бирелде. Шулай ук транспорт чараларында балаларны йөртү кагыйдәләрен үтәүләре дә тикшерелде. Һәр машина йөртүчегә буклетлар һәм истәлек кәгазьләре, бәхетле балачакны символлаштырган йомшак уенчыклар тапшырылды.