Кирәкле акция

admin, 21 август 2019 - 10:25

995

Якшәмбе көнне “Кол Гали” кунакханә комплексы хезмәткәрләре республика күләмендә уздырыла торган “Чиста яр буе” табигатьне саклау акциясендә катнаштылар.

Бу акцияне ел саен Татарстан Республикасының Экология һәм табигый ресурслар министрлыгы муниципаль берәмлекләр белән берлектә оештыра. Һәм, әйтергә кирәк, бу чарада катнашып, табигатьне саклауга үзләреннән өлеш кертегә теләүчеләр саны торган саен арта гына бара.
Кунакханә комплексының 30лап хезмәткәре Идел елгасы ярын чистартуда катнашты. Төгәлрәк әйткәндә, алар пристаньнан Изге коега кадәр булган араны тиешле тәртипкә китерделәр.