Кайбер мәсьәләләрне хәл итү җаен таптылар

Депутатка дүрт кеше мөрәҗәгать итте.
Шәһәрдә яшәүче бер хатын-кызны даруханәдән льготалы рецепт буенча дарулар алу проблемасы борчый. Ул шикәр авыруыннан интегә һәм март аеннан бирле льготалы рецепт буенча дару ала алмый. Проблеманы тиз арада хәл иттеләр: депутат табибка, аннан соң үзәк даруханәгә шалтыратты. Даруханә мөдире әйтүенчә, шушы көннәрдә дару кайтарылган, аны килеп алырга була.
Кабул итү барышында эчә торган суның сыйфатсыз булуыннан зарланучылар да булды. Кызганыч, бу мәсьәләне тиз генә хәл итү мөмкин түгел, су капкасының куәтен арттыру һәм җир астындагы тузган иске торбаларны алмаштыру өчен күп акча кирәк. Бу елның март аенда район башлыгы бу мәсьәләне хәл итүдә ярдәм күрсәтүне үтенеп республика Президентына хат юллаган. Бу елга шәһәрдә 1,2, Приволжск поеселогында – 2,4, Өчкүлдә 3 километр су торбаларын тулысынча алмаштыру буенча эшләр билгеләнгән. Бу максатлар өчен 8,7 миллион сум акча тотылачак. Татьяна Воропаева әлеге һәм башка мәсьәләләрне хәл итүдә булышачагын белдерде.