Форумда катнаштылар

Шәһәрдәге беренче мәктәп һәм кадетлар мәктәп-интернаты укучылары Алина Калинкина, Артур Еремеев, Кирилл Широков техникум укытучысы Егор Васильев белән берлектә өч көн дәвамында “Байтик” балаларны сәламәтләндерү лагерында булдылар. Биредә алар Татарстанның егермедән артык районыннан килгән яшьтәшләре белән экологиянең актуаль мәсьәләләре турында фикер алыштылар.
Өлкән класс укучылары өчен лекцияләр, экскурсияләр оештырылды, мастер-класслар үткәрелде, биредә аларга төрле чараларны уздыру буенча файдалы киңәшләр бирделәр. Моннан тыш, укучылар туйганчы аралаштылар, тәҗрибә уртаклаштылар. Боларны барысы да”Чиста булыр!” экология хәрәкәтенең эшен оештырганда кирәк булачак.