Яңа тормыш
  • Рус Тат
  • Бәйләнерлек сәбәп булмаган

    Узган атна дәвамында районда Татарстан Республикасы Президенты Идарәсе каршындагы коррупциягә каршы көрәш мәсьәләләре буенча эшләгән күчмә комиссия тикшерүләргә йомгак ясады. Берьюлы 15 белгечтән торган комиссия эше белән Идарәнең оештыру бүлеге җитәкчесе Юрий Панкратов җитәкчелек итте. Тикшерүчеләр исәп-хисап палатасы, Россия һәм Татарстан казначылыгы, исәп-хисап үзәге, җир һәм милек мөнәсәбәтләре палатасы белгечләре,...

    Узган атна дәвамында районда Татарстан Республикасы Президенты Идарәсе каршындагы коррупциягә каршы көрәш мәсьәләләре буенча эшләгән күчмә комиссия тикшерүләргә йомгак ясады.

    Берьюлы 15 белгечтән торган комиссия эше белән Идарәнең оештыру бүлеге җитәкчесе Юрий Панкратов җитәкчелек итте. Тикшерүчеләр исәп-хисап палатасы, Россия һәм Татарстан казначылыгы, исәп-хисап үзәге, җир һәм милек мөнәсәбәтләре палатасы белгечләре, юридик бүлекләр белән тыгыз элемтәдә торып эшләде. Эш барышында халык арасында анкеталар, тестлар, социологик сораштырулар үткәрелде. Комиссия әгъзалары хокукый ярдәм дә күрсәткән. Моннан тыш, халыкны әлеге мәсьәләләр буенча ТР Дәүсоветы депутаты, "Алексеевскдорстрой" җәмгыяте Генераль директоры Фуат Вәлиев та кабул итте. Үзләрен борчыган сораулар белән аңа дүрт кеше мөрәҗәгать иткән.

    Тикшерү тәмамланганнан соң, муниципаль хезмәткәрләр катнашында уздырылган киңәшмәдә районда коррупциягә каршы эшчәнлеккә нәтиҗә ясалган. Ул уңай бәяләнгән.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: