Безнең егетләр – Россиянең иң оста көрәшчеләре исемлегендә

Егетләр һәм ир-атлар арасында армия кул көрәше буенча Эдуард Камалиев истәлегенә багышланган Бөтенроссия традицион турнирында Киров өлкәсе, Татарстан, Удмуртия, Мари Иле һәм Чуашстаннан килгән ике йөзгә якын көрәшчедән торган 18 команда катнашты. Көрәш нәтиҗәләре буенча командалар арасында беренче урынны Татарстанның “Леки 116” вәкилләре яулады, Киров өлкәсенең “Эдельвейс” командасы – икенче, Чуашстанның “Аполлон” командасы өченче булды. 
Безнең егетләр дә дәрәҗәле турнирда югалып калмыйча, барлык осталыкларын күрсәтергә тырыштылар. Нәтиҗәдә Дмитрий Стаценко 16-17 яшьлекләр арасында 75 килограммнан артык авырлык үлчәвендә җиңеп чыкты. Никита Новак 18 яшьтән өлкәнрәк спортчылар арасында 70 килограммга кадәр авырлык үлчәвендә - икенче, ә Данил Нигманов 14-15 яшьлекләр арасында 55 килограммга кадәр авырлык үлчәвендә бишенче булды.
Барлык призерларга медальләр, грамоталар һәм кубоклар тапшырылды.