Батырлык дәресенә чакырдылар

Чарага чик сагы гаскәрләре ветераннары Александр Пелагеин белән Рәшит Зыятдиновны чакырдылар.
Алар укучыларга чик буенда ничек хезмәт итүләре турында сөйләделәр, сорауларга җавап бирделәр.
Рәшит Зыятдинов очрашуга гармунын да алып килгән иде. Ул үзе иҗат иткән берничә җырны, шул исәптән, чик сакчыларына багышланган җырны башкарды. Кунаклар элеккеге чик сакчыларының армия альбомын да кызыксынып карадылар.