Прокуратура йомгак ясады

Киңәшмәдә районның көч структуралары җитәкчеләре, мәгариф бүлеге, район хастаханәсе, санитария-эпидемиология күзәтчелеге, контроль-хисап палатасы вәкилләре катнашты.

Район прокуроры Дамир Яфизов узган алты айга нәтиҗә ясады. Социаль тармакта, хезмәт турындагы законнарның ничек үтәлүен тикшерүләр турында прокурор урынбасарлары Фаил Гайсин һәм Айнур Вәлиев, прокурор ярдәмчесе Айрат Мөхәммәтшин хәбәр итте. Эш урыннарын аттестацияләү, санитария-эпидемиология законнарының үтәлеше, белем бирү учреждениеләре, ТСЖ, коммуналь хезмәтләр эшчәнлегенә кагылышлы мәсьәләләр буенча да мөрәҗәгать итүчеләр күп булган. Алар буенча тикшерүләр уздырылган һәм тиешле карарлар чыгарылган.

Киңәшмәгә район башлыгы Камил Нугаев йомгак ясады.