Истәлек медальләре тапшырылды

автор, 27 февраль 2013 - 04:45

610

Илебезнең Кораллы Көчләренә 95 ел тулуы уңаеннан армия, флот һәм башка хәрби ветераннарга истәлекле медальләр тапшырылды.

Бу бәйрәм 1918 елдан бирле билгеләп үтелә. Ул елны февраль ахырында эшче-крестьяннар Кызыл Армиясен оештыру турында Халык комиссарлар Советы Декретына кул куела һәм үз теләге белән армиягә китәргә теләүче солдатлар языла башлый. Илебезнең Кораллы Көчләре данлы тарихка ия һәм безнең хәрбиләребезнең горурланырга хакы бар.

Бүләкләнүчеләр арасында Андрей Царев, Валерий Марянин, Александр Ходалов, Александр Татиевский, Сергей Кручинин һәм башкалар бар. Медальләрне тапшырганда, районның хәрби комиссариат бүлеге җитәкчесе Илһам Мидхәтов истәлекле бәйрәм белән котлап, аларның илебезне саклауга керткән хезмәтләрен билгеләп үтте һәм нык сәламәтлек теләде.

Рәсемнәрдә: бүләккә лаек булучылар; Андрей Царевка медаль тапшырыла.