Тырышлыгына авылдашлары да соклана
Моңарчы утыз елга якын Самарада яшәгән Вячеслав Капитов туган авылы Әҗмәргә кайтып эшсез калырмын, дип куркып тормаган. Җиң сызганып мал-туар асрарга керешкән. Хәзер аның фермасындагы мөгезле эре терлекләрнең баш саны егермегә якын. Әле тагын сарыклар, дуңгызлар, кош-кортлар да үрчетә, умартачылык белән шөгыльләнергә дә вакыт таба.