Болгардагы 1нче урта мәктәп укучысы Әмир Вәлиев Анапа шәһәрендә яшүсмерләрнең IХнчы Бөтенроссия сугыш сәнгате уеннарында Татарстан командасы составында катнашып чемпион исеменә лаек булды.
Уеннарда Россиянең төрле почмакларыннан 300 ләп яшь спортчы катнашты. Әмир Вәлиев Краснодар, Кабардино-Балкария, Чечен Республикасы һәм Дагыстаннан килгән көчле спортчылар белән дүрт очрашу уздырды. Авыр һәм киеренке көрәштә үзенең көндәшләрен бирелергә мәҗбүр итте һәм пьедесталның югары баскычына күтәрелде.
Болгарга кайткач, яшь чемпионны һәм аның тренеры Ринат Шәриповны әлеге җиңү белән район башлыгы Камил Нугаев та котлады һәм истәлек бүләге тапшырды.
Бу көннәрдә Әмир үзенең тренеры белән армия кул көрәше буенча Кострома шәһәрендә узачак Россия беренчелегә әзерләнә.
Нет комментариев