Йодрыкларын тыя алмаганнар

Башка кешеләрне кыйнауда гаепләнгән ике кешегә карата җинаять эшләре кузгатылган.

Исерткеч эчемлекләр кулланганнан соң, Иж-Борискинода яшәүче берәү үзенең инвалид күршесенә берничә тапкыр суккан. Участковыйга үзенең ни өчен болай эшләвен аңлатып бирә алмаган.

Ике арада бәхәс чыгып, таныш булмаган бер хатын-кыз шәһәрдә яшәүче балигъ булмаган кызны кыйнаган. Нәрсә эшләгәнен аңлагач, ул тиз генә машинасына утырып китеп барган. Тик янәшәдә булган шаһитлар бу хатын машинасының номерын һәм маркасын истә калдырган, бу мәгълүматлар оперативникларга җинаятьчене берничә сәгать эчендә эзләп табарга мөмкинлек биргән.