Спас районының Әҗмәр авылында янгын чыккан

11 майда 00:31 сәгатьтә Спас районы Әҗмәр авылындагы Полевая урамында вагон кабынып китә. Ут тиз арада янәшә урнашкан сарайга күчә. 

Янгын нәтиҗәсендә вагон, сарай һәм «Буран» кар снегоходы, шулай ук эчтәге бөтен милек тулысынча янып бетә. Бәхеткә, күрше каралты-кураларга һәм өч фатирлы торак йортка зыян килмәгән. Вакыйга нәтиҗәсендә һәлак булучылар һәм зыян күрүчеләр юк.

- Беренче мәгълүматлар һәм шаһитлар сүзләре буенча, янгын чыгуына вагон эчендә тиз кабынып китүчән  стеналар буенча махсус саклаусыз салынган электр чыбыкларынның кыска ялганышы. Барлык милек, шул исәптән снегоход, вагон, сарай иминиятләштерелмәгән булган, - дип хәбәр итте Спас районы буенча Дәүләт янгын күзәтчелеге дознавателе Сергей Деманов.