Спас районында хатын-кыз хезмәттәшенә үтерү белән янаган

Спас район суды күптән түгел генә төрмәдән чыккан хатын-кызның эшен карады.

Суд материаллары буенча, төрмәдә утырып чыккан бу хатын-кыз Спас районында яшәүче никахсыз ире янына кайта. Материаль җаваплылык белән бәйле булган эшкә урнаша.

Тик күпмедер вакыттан эшендә җитешмәү ачыклана. Аның белән бергә эшләүче хатын-кыз бу хәлдә гаепләнүчене гаепли. 
Ярсып китеп, салмыш хатын хәлне ачыклау өчен гаепләүченең өенә бара. Анда ул хезмәттәшен чәченнән эләктереп алып, башта диван буйлап сөйрәп йөри һәм берничә тапкыр йөзенә суга. Аннары корбанын муеныннан эләктереп алып, начар сүзләр белән хурлый һәм буып үтерү белән яный.

Үз гомере өчен коты алынган, кыйналган хатын-кыз бу хакта хокук саклау органнарына хәбәр итә, эш судка җибәрелә. 

Тикшерү барышында гаепләнүченең моңа кадәр үтерү белән янау һәм урлау өчен алты ел төрмәдә утырып чыкканлыгы билгеле була. 

Суд утырышы хатын-кызны гаепле дип таба һәм, барлык шартларны исәпкә алып, аны ел ярым сынау срогы белән бер елга шартлы рәвештә ирегеннән мәхрүм итә.