Сәбәбе төрле булса да, нәтиҗәсе бер

Шәһәрнең Мир урамында торак йортка эчтән ут каба. Янгын сүндерүчеләр сүзенә караганда, янгын ут төртү аркасында килеп чыгарга мөмкин: кемдер тәрәзәне кирпеч белән ватып, бүлмәгә тиз кабынып китә торган сыекча салынган шешә ташлаган. Янгын сүндерүчеләр вакытында килеп җиткәнлектән, зур зыян килмәгән. Өйдә ул чакта кешеләр булмаган.

Ә Кожаевкадагы шәхси йортның ишек алдындагы мунчасы яна башлый. Дөрес эшләнмәгән төтен юлыннан ут чаткылар мунча эченә эләккән. Мунчаның диварлары һәм түбәсенә җитди зыян килгән, хәзер ул шактый ремонт таләп итә.