Ярдәмдәге шәхси хуҗалыкта янгын чыккан

Ярдәм авылындагы хуҗалыкларның берсендә янгын нәтиҗәсендә тулысынча диярлек мунча бинасы янып бетә.

Янгын кичен башлана. Мунчадан чыккан төтенне күреп алган хуҗа шунда ук янгын сүндерү бригадасын чакыра.   Бик тиз килеп җиткән янгын сүндерүчеләр утны бик тиз сүндереп, башка корылмаларны янгыннан саклап калалар. Янгын нәтиҗәсендә мунча алды тулысынча янып бетә, корылманың түбәсенә дә шактый зыян килә.

ТР Әлки һәм Спас районнары буенча күзәтчелек эшчәнлегенең районара бүлеге инспекторы Анна Колесова сүзләренә караганда, янгын килеп чыгуга мунчада электр үткәргечнең кыска ялганышы сәбәпче булган.