Болгарда КамАЗ машинасы янган

Болгар шәһәрендәге юл оешмасы территориясендә КамАЗ машинасы кабынып киткән. Хәл 25 февральдә кич белән булган.

Районара күзәтчелек бүлеге инспекторы Сергей Деманов мәгълүматлары буенча, янгын нәтиҗәсендә машинаның кабинасы тулысынча янып беткән, шулай ук моторга да зыян килгән.

Бәхеткә, машина кузовы, тәгәрмәчләре һәм кар чистартучы отвал зыян күрмәгән. Шулай ук кешеләр арасында да зыян күрүчеләр юк.

Белгечләр әйтүенчә, янгынга машина моторындагы төзексезлек сәбәпче булган.