Яшь парларны котладылар

автор, 3 июль 2012 - 12:15

602

Үткән шимбә көнне шәһәрнең үзәк мәйданына җыелган халык Яшьләр көненә багышланган зур концерт карадылар, шулай ук дискотека үткәрелде, ә кич белән күк йөзен бизәгән гаҗәеп матур фейерверкка сокландылар.

Бәйрәмгә килүчеләрне район башлыгы Камил Нугаев котлады.

Яшьләр эше, спорт һәм туризм бүлеге җитәкчесе Әхтәм Вәлиәхмәтов Балалар иҗат йорты активистларына, волонтерларга дипломнар, истәлекле бүләкләр тапшырды.

Биредә үткән айда нәниләре туган яшь гаилә парларын да котладылар.

Тамашачылар шулай ук "Созвездие-Йолдызлык" яшьләр эстрада сәнгатенең республика ачык телевизион фестивалендә җиңүчеләрнең, беренче татар хип-хоп батла һәм үзешчән сәнгатьтә катнашучыларның, җирле артистларның чыгышларын рәхәтләнеп карадылар.

Теләгән кеше күңелле конкурсларда катнашты.