Үрнәк авылында яшь сайлаучы тавыш бирде

Өчкүл авыл җирлегенең 6нчы бер мандатлы сайлау округы буенча район депутатларына сайлауда Үрнәк авылы сайлау участогында иң яшь тавыш бирүче катнашты.

Кыз быел беренче тапкыр тавыш бирә.

«Депутат сайлауда катнаша алуыма бик шатмын. Мин шушы авылда яшим һәм авылымның киләчәге минем өчен бик мөһим. Ә авылыбыз үсеше нәкъ менә депутат эшенә бәйле», - ди яшь сайлаучы.

Иртәнге 10 сәгатькә Үрнәк авылында 18 кеше тавыш биргән.

Тагын 58 сайлаучы тавыш бирергә тиеш. Һәр сайлаучыга истәлекле бүләкләр тапшырыла.