Ураза вакытында тыюлар: Рамазан аенда мөселманнарга нәрсә эшләргә ярамый

1 мартта мөселманнар өчен изге ай – Рамазан ае башланып китә. Рамазан ае җитү белән бөтен дөнья мөселманнары исламның диненең биш баганасының берсе булган ураза тотарга әзерләнә. Бу чорда мөселманнар үзләренең күңелләрен сафландырырга, иманнарын ныгытырга һәм Аллаһ Тәгалә белән элемтәләрен тирәнәйтергә омтылалар. Әмма бу максатларга ирешү өчен билгеле бер тыюлар бар.

Ураза вакытында төп тыюлар

1. Ашау һәм эчү: Уразаның нигезе – иртәдән кичкә кадәр ашау-эчүдән баш тарту. Бу физик яктан тыелу гына түгел, рухи чистарыну да. Ни дәрәҗәдә ачлык яки сусау кичерсәләр дә, иманлы кешеләр ашау-эчүдән тыелып торырга тиеш.

2. Тәмәке тарту: Тәмәке тарту шулай ук көн дәвамында тыела. Бу кагыйдә теләсә нинди тәмәке төрләренә, шул исәптән электрон сигаретларга да кагыла. Дин тотучылар уразаны боза алган бөтен нәрсәдән баш тартырга тиеш.

3. Әдәпсез сүзләр һәм гамәлләр: Рамазан аеның төп масаты – әхлакый чистарыну. Мөселманнарга сүгенү сүзләрен куллану, шулай ук бәхәсләрдә катнашу тыела. Бу сабырлык һәм мәрхәмәт күрсәтү вакыты.

4. Җенси мөнәсәбәтләр: Тәүлекнең якты вакытында мөселманнарга җенси мөнәсәбәтләргә керү тыела. Бу кагыйдә рухи чисталыкның һәм игътибарны догаларга һәм уйлануларга юнәлтүнең мөһимлеген ассызыклый.

5. Вакыттан файдалан белмәү: Ураза – тәүлекнең якты вакытында ашау-эчүдән баш тарту вакыты гына түгел, изге эшләр өчен дә вакыт. Рухи яктан чистарыну өчен, мөселманнарга вакытны эшсез утыру яки күңел ачу чараларына сарыф итмәскә киңәш ителә.

6. Ялган һәм алдау Физик гамәлләр генә түгел, сүзләр дә мәгънәгә ия икәнлеге турында онытырга ярамый. Ялган, алдау һәм икейөзлелек, бигрәк тә изге айда, зур гөнаһ санала.

Нәтиҗә

Ураза тоту – ризыктан һәм судан баш тарту гына түгел, ә үз өстеңдә эшләү дә ул. Бу изге айда билгеләнгән тыюлар мөселманнарга рухи үсешкә, тирә-юньдәгеләр белән мөнәсәбәтләрне яхшыртуга һәм динне ныгытуга игътибарны юнәлтергә ярдәм итә. Рамазан – уйлану, үз-үзеңне камилләштерү һәм яхшылыкка омтылу вакыты ул.