Ульяновскта Идел аша күпер ябылырга мөмкин

Ульяновскта Иделнең уң һәм сул ярларын тоташтыручы Император күпере вакытлыча ремонт өчен ябылырга мөмкин. Бу хакта Ульяновск Телеграм-каналы тиешле ведомстволарга сылтама белән хәбәр итте.

Мәсьәлә Өлкә закон чыгару җыелышы утырышында каралган. Ведомство вәкилләре сүзләренчә, күпер өлешләре шактый тузган һәм күпеш аша йөрү куркыныч булырга мөмкин.  

Быел җәйдә күпер ремонт өчен ябылыр дип планлаштырыла.

Исегезгә төшерәбез, соңгы тапкыр күпер 2020 елда ремонтлау өчен биш тәүлеккә ябылып торган иде.