«Тоннель» операциясе биш бозу очрагын ачыклады

Бүген Спас районының Болгар – Танкеевка юнәлешендәге юлның беренче километрындаюл кагыйдәләрен тупас бозуларны кисәтү буенча “Тоннель” оператив-профилактик рейд узды. Бу хакта Спас районы ЮХИДИ матбугат хезмәте хәбәр итте.

Рейд барышында 55 транспорт чарасы тикшерелде, 5 машина йөртүчегә карата протоколлар тутырылды.

Өч кешегә – иминлек каешларын каптырмаган өчен, бер кешегә – ОСАГО полисы булмаган өчен, тагын бер машина йөртүчегә идарә таныклыгыннан башка йөргән өчен җәза бирелде.

Спас районы ЮХИДИ хезмәткәрләре юл хәрәкәтендә катнашучыларның барысын да юл йөрү кагыйдәләрен төгәл үтәргә өнди.