Татьяна Ларионова һәм Фәргат Мөхәммәтов Спас районы халкын кабул иттеләр

РФ Дәүләт Думасы депутаты Татьяна Ларионова һәм Спас районы башлыгы Фәргат Мөхәммәтов «Бердәм Россия» партиясенең җәмәгать кабул итү бүлмәсендә халыкны кабул иттеләр.

Спаслылар депутатларга төрле сораулар белән мөрәҗәгать иттеләр. 

Хәрби бәрелешләр ветераны сугыш инвалидларын транспорт чаралары белән тәэмин итү турында закон кабул итәргә тәкъдим кертте.

"Тәкъдимне инде бер генә партия түгел, ә берничә партия кертте. Җәмәгать оешмалары да законны кабул итү ягында. Бүген РФ Финанс министры ел ахырына кадәр барлык бюджет ассигнованиеләре 10% ка кими дип рәсми белдерү ясады. Ләкин мөмкинлек тугач, без сезнең белән бергә моның өчен нәрсә эшләргә кирәклеген уйларбыз», - дип тәкъдим итте депутат.

Агымдагы елның гыйнварында узган депутат кабул итүендә 2021 елның маенда җимерелгән Никольск авылындагы дамбаны капиталь ремонтлау кирәклеге турында сорау күтәрелгән иде. Татьяна Петровна бу мәсьәләне эшкә алды. Бүгенге көндә объект 2024 елга Экология министрлыгы программасына кертелгән.

Кабул итү вакытында үз сораулары белән барлыгы 5 кеше мөрәҗәгать итте. Барлык мәсьәләләр буенча консультацияләр бирелде.