Татарстанда пилотсыз системаларның яңа гаскәрләре өчен белгечләрне ничек әзерлиләр

Пилотсыз системалар гаскәрләре өчен контрактчылар әзерләү өч этапта узачак. Бу хакта Казандагы сайлап алу пункты офицеры Виктор Никитин «Татар-информ» журналистлары белән әңгәмәдә хәбәр итте.

Башта булачак операторлар Оборона министрлыгының уку йортларында шәхси әзерлек узачак. Аннары полигоннарда аларны расчетлар составында дроннар белән идарә итәргә өйрәтәчәкләр. Аннары курсантларга йомгаклау сынаулары тапшырырга кирәк булачак.

Исегезгә төшерәбез, гаскәрләрнең яңа төре ноябрьдә барлыкка килде. Анда очучы, йөзүче һәм экипажсыз йөрүче бөтен нәрсәне - һөҗүм дроннарыннан алып экипажсыз катерларга кадәр белән идарә итү өчен белгечләр җыялар. Контракт ким дигәндә бер елга төзелә һәм автомат рәвештә озайтылмый. Уку кимендә ике ай дәвам итә һәм Татарстан белән янәшә төбәкләрдә узачак.

Сайлап алу пунктларында билгеләп үтүләренчә, компьютер уеннарын яратучыларга өстенлек бирелә, чөнки аларның дроннар белән идарә итү күнекмәләре бар. 

Татарстанда хезмәт итәргә теләүчеләр өчен Кайнар линия ачылды. Моның өчен 117 номерына шалтыратып, 4 санын басарга кирәк. Әгәр кандидат таләпләргә туры килсә, аның мәгълүматларын белгечкә тапшырачаклар.

Гыйнвардан республикада шулай ук контрактчыларга 2,9 млн сумга кадәр арттырылган түләү гамәлгә керде. Бу илдә иң югары суммаларның берсе.

Контракт, түләүләр һәм ташламалар турында күбрәк мәгълүматны heroes-tatarstan.ru сайтында яки Казандагы контракт буенча сайлап алу пунктына мөрәҗәгать итеп белергә мөмкин.