Татарстанда «Геройлар янәшәдә» патриотик әдәбият конкурсы башланды

Татарстанда масштаблы «Геройлар янәшәдә» әдәби конкурсының икенче сезоны башланды. Аның төп максаты – рус һәм татар телләрендә патриотик юнәлештәге әсәрләр иҗат итүче авторларга ярдәм итү.

Быелгы төп яңалык – «Роман» номинациясе.

– Бу зуррак хезмәт. Хәзер без шундый күләмле эшне бәяләргә өлгергәнбез дип уйлыйбыз, – дип белдерде матбугат конференциясендә “Татмедиа” агентлыгы җитәкчесе Айдар Сәлимгәрәев.

Катнашучылар үз эшләрен биш номинациядә тәкъдим итә алалар: «Роман», «Повесть», «Хикәя», «Поэма яки шигырьләр циклы» һәм «Очерк». Күпчелек номинацияләргә гаризалар кабул итү 2026 елның 1 августына кадәр дәвам итәчәк, ә романнар өчен срок озайтылды — эшләр 2026 елның 15 октябренә кадәр кабул ителә.

Конкурсның гомуми приз фонды 6 640 000 сум тәшкил итә. Иң яхшы роман авторлары 500 мең сум алачак, повесть өчен — 300 мең, хикәя өчен — 120 мең. Җиңгән әсәрләр 2026 һәм 2027 елларда социаль әһәмиятле әдәбият буларак бастырылачак.

Конкурс белән бер үк вакытта «Язучылар мәктәбе» белем бирү проекты эшли башлый. Ул яшь авторларга мастер-класслар, танылган әдәбиятчыларның лекцияләре һәм текстлар төзү процессында профессиональ озату тәкъдим итә.