Татарстанда 2024 елга фитыр һәм фидия күләмен билгеләделәр

Татарстанда һәр мөселманга түләнергә тиешле фитыр садакасы күләмен билгеләделәр. Бу хакта ТР мөселманнары Диния нәзарәте матбугат хезмәте хәбәр итте.

Быел зәкят түләргә тиешле нисабның күләме 495 мең сум тәшкил итәчәк. Исегезгә төшерәбез, нисаб – мохтаҗлар файдасына процент түләргә кирәк булган минималь муллык яки милек.

2023 елда фитыр садакасын түләү өчен нисабның күләме 43 мең сум, ә фитырның күләме арпа буенча 150 сумнан алып йөзем бәясе буенча 1000 сумга кадәр тәшкил итәчәк.

Авыру яки башка сәбәпләр аркасында тотылмаган һәр ураза көне өчен фидия күләме көненә 400 сум тәшкил итәчәк.

Исегезгә төшерәбез, быел изге Рамазан ае 10 марта кояш баеганнан соң башланып, 30 көн дәвам итә.