Спас районында «Тоннель» сигез кагыйдә бозу очрагын ачыклады

Спас районында бүген машина йөртүчеләрнең юл хәрәкәтен тупас бозуларын ачыклауга юнәлдерелгән «Тоннель» профилактик операциясе узды. 

Барлыгы 76 транспорт чарасы тикшерелде.

Кагыйдә бозучыларның күпчелеге – алты кешенең иминлек каешларын эләктермичә йөрүләре билгеле булды. Бер машина хуҗасы машинага иминиятләштерү полисы булмаган өчен җәза алды. Тагын бер кеше машина йөртүче таныклыгыннан башка юлга чыккан өчен туктатылды.

Барлык кагыйдә бозучыларга карата административ протоколлар төзелде, хәзер аларны штраф көтә.