Спас районында 2024 елда беренче никах теркәлде

Бүген Спас районы ЗАГС бүлегендә беренче никах теркәлде. 2024 ел – Гаилә елының беренче пары Давид Шахназарян һәм Валентина Малхасян булды. Яшьләрне гомергә бер була торган тантаналы вакыйга белән Спас районы ЗАГС бүлеге җитәкчесе Гүзәл Низамова котлап, аларга бәхетле гаилә тормышы теләде.

Яшьләрне тормыштагы иң мөһим вакыйга белән шулай ук районның яшләр эше, спорт һәм туризм бүлеге Әхтәм Вәлиәхмәтов та котлады. Ул яшьләргә бер-берсен аңлап, бер-берсен хөрмәт итеп яшәүләрен теләде һәм туй истәлеге итеп кечкенә генә сувенир тапшырды.