Спас районы хәрби операциягә радиоэлектроник саклау системасын җибәрде

Спас муниципаль районы тарихы традицияләренә ярдәм итүнең һәм бердәмлекне үстерүнең җирле иҗтимагый оешмасы махсус хәрби операциядә катнашучы хәрби хезмәткәрләргә ярдәм күрсәтүен дәвам итә. Бу юлы активистлар фронтка радиоэлектрон бастыруның заманча системасын (РЭП) тапшырганнар. 

Бу инициативаның үзенчәлеге шунда ки, җәмәгатьчеләр әзер җиһазларны сатып алу белән генә чикләнмәгән. Алар фикердәшләре белән бергә системаны җыю һәм аны камилләштерү буенча зур эш башкарганнар. Бу алым җайланманы катлаулы хәрби бурычларны үтәү өчен җайлаштырырга һәм аның ышанычлылыгын арттырырга мөмкинлек бирде. 

"Безнең өчен аппаратураны җибәрү генә түгел, ә аны камилләштерү, сугышчылар турында кайгыртуыбызны күрсәтү мөһим иде, - дип шәрехләделәр оешмада. - Без барлык компонентларны җыйдык һәм аны яхшырттык, система үзенең бурычын үтәүдә мөмкин булганча нәтиҗәле булсын, безнең сугышчыларны якласын өчен тырыштык".

Хәрби операция зонасында хәрби бурычларны үтәүче бүлекчәләрнең берсенең сугышчысына тапшырган РЭП системасы дошман навигациясе каналларын бастыру өчен билгеләнгән, ә бу сугышчыларныың иминлегенә ярдәм итә. Акция актив гражданлык позициясенең һәм Спас районы халкы ярдәменең тагын бер үрнәге булды.