Спас районы башлыгы якташларын Яңа ел белән котлады

Хөрмәтле Спас районы халкы! 
Сезне якынлашып килүче Яңа 2024 ел һәм Раштуа бәйрәмнәре белән котлыйм!

Узган ел безнең өчен җиңел булмады. Ләкин нинди заманалар гына булмасын, узып баручы елны рәхмәт хисе белән озатып җибәрү, булган якты һәм шатлыклы мизгелләрне искә төшерү өчен сәбәп бар. 

Киләсе елның нинди булачагы безнең һәрберебезгә бәйле. Шуңа күрә, иң элек, үз-үзегезгә, үз көчегезгә ышануыгызны телим, киләсе ел сезнең өчен иң кыю карарларны тормышка ашыру, яңа мөмкинлекләрне ачу һәм яңа уңышларга ирешү елы булсын.

Барыгызга да ныклы сәламәтлек, бәхет, иминлек, тынычлык һәм игелек телим. Яңа ел котлы булсын!

Спас районы башлыгы Фәргат Мөхәммәтов.