Март аена халык сынамышлары

Һава торышын Гидрометеорология үзәге белгечләреннән башка да фаразларга мөмкин. Борынгы ата-бабаларыбыз моны бик яхшы белгәннәр. Аларның хаклымы-юкмы икәннәрен сынап карыйк әле! Март ае безгә нәрсәләр вәгъдә итә икән?

Инглиз халкы һәр ел фасылының беренче өченче көненә аеруча зур игътибар биргән. Алар фикеренчә, шушы өч көн фасылның өч ае ничек буласын билгели икән. Шуңа күрә март аеның өч көне язның нинди булачагын күрсәтә.

Сынамышлар:

• Март аенда озын боз сөңгеләре булса – яз озак киләчәк;
• Март аенда кар яуса – гөмбә күп була;
• Язның беренче аенда күк күкрәсә – салкыннар озак дәвам итәчәк;
• Сыерчыклар килсә – яз җитте, дигән сүз;
• Сыерчыклар узган елгы ояларында урнашса – яз иртә киләчәк;
• Сыерчыкларның март урталарыннан иртәрәк килүе салкын җәйне фаразлый;
• Март аенда кар эремәсә – апрель аенда үлән чыгуын көтү файдасыз;
• 15нче мартта кар яуса – үлән бик соң чыгачак;
• 18нче март көнне явым-төшем булмаса – җәй көне боз яумаячак;
• Язын төнлә еш катырса – иген уңачак.