«Дзен» татар телендә яңалыклар бүлеген эшләтеп җибәрде
Яңа проект Россиянең милли телләренә ярдәм итүне максат итеп куя.
«Дзен» платформасы Россия телләренең күптөрлелегенә ярдәм итү өчен зур адым ясап, материалларны милли телләрдә бастырып чыгара башлады. Беренче булып татар телендә яңалыклар басыла башлады. Хәзер геолокациядә Татарстан Республикасын күрсәткән кулланучылар баш биттә автомат рәвештә «Казан» махсус бүлеген күрә.
Бу бүлектә төбәк яңалыклар лентасы формалаштырылган. Рус һәм татар телләре арасында кулланучылар махсус төймә ярдәмендә күчә ала. Бу исә актуаль вакыйгалар белән туган телдә танышырга мөмкинлек бирә. Татар телендә язмалар турыдан-туры татар телле авторлар һәм җирле массакүләм мәгълүмат чаралары тарафыннан булдырыла, бу мәгълүматның төгәллеген һәм дөреслеген тәэмин итә.
Әлеге инициатива Россия халыкларының телләрен үстерүгә һәм саклауга, шулай ук җирле басмаларга ярдәм итүгә юнәлдерелгән. «Дзен» платформасы бу тәҗрибәне башка милли телләргә дә таратырга планлаштыра.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең социаль челтәрләр:
ВКонтакте Одноклассники Telegram
Реклама бүлеге телефоны 8(843)47-30-0-02.
Нет комментариев