Бүген ТР Рәисе Рөстәм Миңнеханов туган көнен билгеләп үтә

Бүген, 1 мартта, Татарстан Рәисе Рөстәм Нургали улы Миңнеханов үзенең туган көнен билгеләп үтә. Аңа 66 яшь тулды.

Үзенең Телеграм-каналында Рөстәм Миңнеханов барлык котлаучыларга рәхмәтен җиткерде.

«Кадерле дуслар, чын күңелдән котлауларыгыз өчен зур рәхмәт. Һәммәгезгә дә исәнлек-саулык телим. Мин һәрвакыт сезнең белән. Республика, алга! Рәхмәт», - дип язган ул.

Исегезгә төшерәбез, Рөстәм Миңнеханов 1957 елның 1 мартында ТАССРның Балык Бистәсе районы Яңа Арыш авылында туган. «Авыл хуҗалыгын механикалаштыру» белгечлеге буенча Казан авыл хуҗалыгы институтын, «Товар белеме һәм азык-төлек товарлары белән сәүдә итүне оештыру» белгечлеге буенча Мәскәү Совет сәүдәсе институтының Казан филиалын тәмамлаган.

1996-1998 елларда – ТР финанс министры, 1998-2010 елларда ТР Премьер-министры вазифасын биләде.

2010 елның мартында Татарстан Республикасын җитәкләде.